Azərbaycanlı musiqiçilər Braziliyada

Azərbaycanın caz ustadları İsfar Sarabski&trio və Şəhriyar İmanov Braziliyada başlayan turnenin davamı olaraq  Rio-de-Janeyro şəhərinin məşhur Blue Note konsert zalında sonuncu konsertlər verib. Rio-de-Janeyradakı konsert San Pauloda keçirilmiş üç konsert və bir ustad dərsi kimi yerli auditoriya tərəfində çox böyük maraqla qarşılanıb.

Olaylar.az bildirir ki, konsertə Rio-de-Janeyro şəhərin meriyasının nümayəndələri, burada yerləşən Azərbaycan bələdiyyə məktəbinin müəllim və şagirdləri həmçinin yerli caz həvəskarları qatılıblar. Tədbir yerli mətbuat tərəfindən geniş işıqlandırılmışdı.

Qeyd edək ki, Azərbaycan Respublikasının Braziliyadakı səfirliyinin təşkilatçılığı və dəstəyi ilə həyata keçirilmiş Azərbaycan ustadlarının Braziliya turnesi cari ilin 21-31 avqust tarixlərində həyata keçirilib və Azərbaycan Cümhuriyyətinin 100 illik yubileyinə həsr edilib. Keçirilmiş konsertlər yerli SESC TV kanalı tərəfindən lentə alınaraq ölkənin müxtəlif televiziya və radiolarında il boyu yayımlanacaq. Həmçinin konsertlər albom şəkilində dünya miqyaslı  dicital platformalarda yerləşdiriləcək.    

Maraqlı xəbərləri Olaylar.Az Facebook səhifəmizdən izləyin.

Şərh yaz:

DİGƏR XƏBƏRLƏR