“Azərbaycan Xalq Cümhuriyyəti və Qafqaz İslam Ordusunun Yaranmasının 100-cü ildönümü” ilə bağlı foto sərgi keçiriləcək

Azərbaycan Xalq Cümhuriyyətinin və Qafqaz İslam Ordusunun yaranmasının 100-cü ildönümü münasibətilə Türkiyə Respublikasının Azərbaycan Respublikasındakı Səfirliyi və Bakı Yunus Əmre İnstitutu tərəfindən 24 may - 6 iyun 2018-ci il tarixləri arasında Azərbaycan İstiqlaliyyət Muzeyində "Azərbaycan Xalq Cümhuriyyəti və Qafqaz İslam Ordusunun Yaranmasının 100-cü ildönümü" mövzusunda foto sərgi keçiriləcək. 

Bu barədə məlumat "OLAYLAR"-a Bakı Yunus Əmrə İnstitutundan daxil olub. Bildirilib ki, sərginin məqsədi Ulu Öndər Heydər Əliyevin "İki dövlət bir millət" ifadəsinə əasaslanaraq, iki cəmiyyət arasındakı mədəni əməkdaşlığı inkişaf etdirmək, ortaq milli dəyərlərimizi xatırlamaq və onlara sahib çıxmaqdır. Sərgidə təxminən 40 ədəd foto nümayiş olunacaq.Sərginin açılış mərasimi 24 may 2018-ci il tarixdə, saat 17:00-da Azərbaycan İstiqlaliyyət Muzeyində (Neftçilər prospekti 49, 3-cü mərtəbə) baş tutacaq. Sərgi 6 iyun 2018-ci il tarixinə qədər davam edəcək.

Maraqlı xəbərləri Olaylar.Az Facebook səhifəmizdən izləyin.

Şərh yaz:

DİGƏR XƏBƏRLƏR