Çinli musiqiçilər  konsert verib

Dillər Universitetində  çinli musiqiçilər konsert proqramı ilə çıxış ediblər. Olaylar bildirir ki, ADU-nun nəzdindəki Konfutsi İnstitutunun təşkilatçılığı ilə keçirilən tədbirdə Şandon Pedaqoji Universitetinin incəsənət işçiləri rəngarəng musiqi nümunələri ilə tamaşaçıların zövqünü oxşayıblar.

Tədbiri açıq elan edən ADU-nun Tədris işləri üzrə prorektoru, professor Əfqan Abdullayev musiqi sənətinin vacibliyindən, mədəniyyət sahəsində Azərbaycan-Çin əlaqələrinin inkişafından danışıb, multikulturalizm siyasətinin həyata keçirilməsi üçün yaradıcı qrupların qarşılıqlı səfərlərinin əhəmiyyətini vurğulayıb.

Çin Xalq Respublikasının (ÇXR) Azərbaycandakı səfirliyinin Ticarət məsələləri üzrə məsləhətçisi Van Çun Qan Böyük İpək Yolunun dirçəldilməsi proqramı çərçivəsində humanitar əməkdaşlığın vacibliyini qeyd edib.

Konfutsi İnstitutunun direktoru, professor Rafiq Abbasov Azərbaycanda Çin musiqi mədəniyyətinə böyük maraq göstərildiyini vurğulayaraq, Çin bədii komandasının Azərbaycan gənclərinin qədim konfutsizm mədəniyyəti ilə tanışlığına kömək edəcəyinə əmin olduğunu bildirib.

Azərbaycanda çoxmədəniyyətlilik siyasətindən məmnunluğunu diqqətə çatdıran Şandon Pedaqoji Universitetinin İncəsənət qrupunun müdiri, professor Çi Şulin təmsilçisi olduğu ali təhsil müəssisəsinin mədəniyyət ənənələri, müxtəlif universitetlərlə tələbə mübadiləsini genişləndirmək üçün atılan addımlardan danışıb. Konsertdə qədim çalğı alətləri və fleyta Çin xalq musiqisi, ənənəvi Pekin operasından rəqs nömrələri təqdim edilib və kunq-fu Çin döyüş sənəti ustalarının səhnələşdirilmiş nömrələri nümayiş olunub.

Maraqlı xəbərləri Olaylar.Az Facebook səhifəmizdən izləyin.

Şərh yaz:

DİGƏR XƏBƏRLƏR