Generasiya güclərinin optimallaşdırılması ilə bağlı müzakirələr aparılıb

Energetika Nazirliyində "Azərenerji" ASC-nin, Enerji Məsələlərini Tənzimləmə Agentliyi və Almaniyanın "ENERCO" şirkətinin nümayəndələri ilə birgə ""Azərenerji" ASC-nin elektrik stansiyalarının optimallaşdırılması və bərpası Proqramı"nın hazırlanması ilə bağlı ekspertlər səviyyəsində müzakirəsi keçirilib. "OLAYLAR"-a nazirliyin mətbuat xidmətindən bildirilib ki, iclasda Energetika Nazirliyi tərəfindən, "ENERCO" şirkətinin cəlb edilməsi ilə elektrik stansiyalarında cari ilin aprel-iyul aylarında aparılmış araşdırmalar əsasında hazırlanmış hesabat təhlil edilib. "Azərenerji" ASC-nin generasiya güclərinin optimallaşdırılması və bərpası Proqramı"nın hazırlanması üzrə görülən işlər, elektrik enerjisinin istehsalı prosesi və optimallaşdırılma tədbirləri ilə bağlı geniş fikir mübadiləsi aparılıb. Ölkənin enerji təhlükəsizliyinin təmin edilməsi, baş verə biləcək qəza hallarının qarşısının alınması məqsədilə yeni generasiya güclərinin yaradılması, İstilik Elektrik Stansiyaları, o cümlədən modul tipli stansiyaların modernizasiyası, mövcud stansiyaların bərpası və gücünün artırılması, stansiyaların fəaliyyətinin səmərəliliyinin yüksəldilməsi və ölkənin enerji potensialından effektiv istifadənin zəruriliyi qeyd edilib. Bu məqsədlə Proqrama daxil ediləcək təkliflər nəzərdən keçirilib.

Texniki, istismar və inzibati-idarəetmə aspektləri üzrə tədbirlərlə yanaşı, elektrik stansiyalarında real orta illik və ehtiyat gücün artırılması, həmçinin stansiyaların istismarının effektivliyi və etibarlılığının yüksəldilməsi üçün ekspertlərin rəy və təkliflərinin Proqram üzrə yekun hesabatda nəzərə alınmasının vacibliyi diqqətə çatdırılıb.

Maraqlı xəbərləri Olaylar.Az Facebook səhifəmizdən izləyin.

Şərh yaz:

DİGƏR XƏBƏRLƏR