İspaniyalı məşqçi Bakıda təlim keçdi – “Realmadrid Fondu”

Azərbaycan Respublikasının Gənclər və İdman Nazirliyinin "Realmadrid Fondu" ilə birgə həyata keçirdiyi layihə çərçivəsində fond Bakıda seminar keçib.

Olaylar.az bildirir ki, Azərbaycan Respublikasının Gənclər və İdman Nazirliyinin "Realmadrid Fondu" ilə birgə həyata keçirdiyi layihə çərçivəsində fondun beynəlxalq təlimatçısı David Gil Çapado 2014-cü ildən fəaliyyət göstərən sosial futbol məktəbinin məşqçi-müəllimləri üçün seminar keçib. Təlimdə sosial futbol məktəbinin 7 məşqçisi iştirak edib. Seminarın əsas məqsədi "Realmadrid Fondu"nun təlim metodologiyasını təbliğ etmək, İspan futbol təcrübəsini paylaşmaq olub.

İspan məşqçi David Gil Çapado bu təlimin spesifik və praktik olduğunu deyib:

"Təlim müxtəlif hissələrdən ibarətdir: nəzəri və təcrübi hissələrdən. Biz çalışdıq ki, "Realmadrid Fondu"nun Bakıdakı məşqçiləri üçün yeni imkanlar yaradaq, yeni vərdişlər və bacarıqlar öyrədək. Məşqçilərə stadionda uşaqlarla məşq etmək üçün strategiyalar öyrədildi. Bu, çox vacibdir. Bizim əsas məqsədimiz: futbol sayəsində uşaqlara dəyər öyrətməkdir".

Təlimin nəzəri hissəsindən sonra praktik hissə futbol meydançasında keçirilib. David Gil Çapado meydançada müəllimlər üçün məşqlər təşkil edib.

Fəaliyyət dövründə bu artıq "Realmadrid Fondu"nun 4-cü belə təlimidir.

"Realmadrid Fondu"nun sosial futbol məktəbinin əsas məqsədi ölkədə futbolun inkişafı və kütləviliyinə dəstək verməkdir.

Maraqlı xəbərləri Olaylar.Az Facebook səhifəmizdən izləyin.

Şərh yaz:

DİGƏR XƏBƏRLƏR