Havada müşahidə edilən dəyişkən hava şəraiti baş, ürək-damar və qan xəstəliklərindən əziyyət çəkənlərin səhhətinə mənfi təsir göstərir. Bir gün günəşin çıxması, günün ikinci yarısında havanın soyuması, digər bir gün dəyişkən hava şəraitinin müşahidə edilməsi təcili yardım xidmətinə müraciət edənlərin də sayını artırıb. Sinoptiklər isə fevral ayının havanın yenidən temperaturun kəskin aşağı düşəcəyini proqnozlaşdırırlar. ("OLAYLAR"İA) Qarşıdakı künlərdə ölkə ərazisinə qar yağacaq, temperatur 0 dərəcə təşkil edəcək. Təcili Yardım Stansiyasında aldığımız məlumata görə, havadakı dəyişkənliklə bağlı gün ərzində xidmətə müraciət edənlərin sayı 1200-ə çatıb: "Qeyd edək ki, müraciət edənlərin əksəriyyətində özlərini pis hiss etmə, hallarında dəyişikliklərin baş verməsi kimi hiss edilir. Bir çox xəstələr isə hava şəraiti dəyişdikcə ürək ağrılarından, baş və boyun nahiyyəsindəki ağrılardan, təzyiqin aşağı düşməsi və ya yüksəlməsindən şikayətlənir. Təcili yardıma müraciət edənlər sırasında tamamilə sağlam səhhəti olan insanlar da var. Onlarda hava dəyişdikcə yuxarıda sadalanan problemlər baş qaldırıb. Ümumiyyətlə, qeyd etmək istəyirik ki, hava şəraitində müşahidə edilən dəyişkənlik nəticəsində orqanizmdə dəyişikliklər hiss olunarsa dərhal həkimə müraciət zəruridir. Belə günlərdə idmanla məşğul olmaq, müxtəlif müalicəvi otlardan istifadə müsbət təsir göstərir". Xidmətin növbətçi həkimi əhali arasında qripin yayılması hallarının artdığını da bildirdi: "Bu qriplər yüngül xarakter daşıyır və bu fəsil üçün xarakteridir. Qripə yoluxanlar ev şəraitində də müalicə ala bilərlər. Ümumiyyətlə qış aylarında immunitetin möhkəmləndirilməsi vacibdir ki, mövsümi xəstəliklərdən yan keçmək mümkün olsun. Ancaq qripin ev şəratində keçməməsi müşahidə edilərsə, xəstədə qızdırma, öskürək, ürək bulanma və s.hallarda da həkim müdaxiləsi vacibdir. Bu günlərdə də uşaq və yaşlı insanlarda da problemlər üzə çıxır. Bol meyvə-tərəvəz, vitaminli qida qəbul etməklə bu cür hallardan yan keçmək olar". ("OLAYLAR"İA)
|
|
Əvvəlki xəbər
Rəy bildirilməyib
Bənzər Xəbərlər
