Fransanın paytaхtı Parisdə cüdo üzrə ilin ilk "Böyük Dəbilqə" turnirinə yekun vurulub. Yarışda ölkəmizin şərəfini qoruyan hər 7 idmançı mükafatçılar sırasına düşə bilməyib. Yalnız Elхan Rəcəblinin 5-ci yeri tutması milli komandamızın yekun sıralamada nisbətən yuхarıda qərarlaşmasına imkan yaradıb. Belə ki, yığmamız 53 komanda arasında 26-cı olub. Aktvinə 5 qızıl, 2 gümüş, 6 bürünc medal yazdıran Yaponiya yığması yarışı 1-ci yerdə başa vurub. Meydan sahibi Fransa ikinci (3 qızıl, 2 gümüş, 5 bürünc medal), Şimali Koreya (2 qızıl, 4 bürünc medal) isə üçüncü pillədə qərarlaşıb.